Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

11.10.2017г. Вечар – камплімент “Варты любові, пашаны, павагі”

У філіяле “Пагранічная сельская бібліятэка” прайшоў вечар – камплімент “Варты любові, пашаны, павагі”, прысвечаны  Дню маці . На мерапрыемства былі запрошаны вучні 3-га класа з іх класным кіраўніком. У ходзе мерапрыемства бібліятэкары расказалі пра свята, дзеці з задавальненнем чыталі вершы мамам, расказвалі пра сваіх матуль, даведваліся што азначаюць імены іх матуль.  Затым правялі конкурс, у ходзе якога дзяцей падзялілі на дзве групы: хлопчыкаў і дзяўчынак. Дзецям былі дадзены розныя заданні, якія яны выконвалі вельмі старанна і з ахвотай.