Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

1.12.17г. Святочна-забаўляльная праграмма “Ад сэрца да сэрца”

Напярэдадні Міжнароднага дня інвалідаў раённая бібліятэка імя В.М. Кавалеўскага сумесна з Тэрытарыяльным цэнтрам сацыяльнага абслугоўвання насельніцтва арганізавала святочна-забаўляльную праграму “Ад сэрца да сэрца” для ўдзельнікаў клуба маладых інвалідаў “Вясёлка дабра”.


Маладыя людзі з задавальненнем прынялі ўдзел у конкурсах і  гульнях, адказалі на пытанні віктарыны. У выкананні ўдзельнікаў клуба гучалі песні.  У імпрэзе прыняла ўдзел старшыня Бераставіцкай раённай арганізацыі Беларускага грамадства Чырвонага Крыжа А.М. Філіповіч. Яна павіншавала прысутных са святам, пажадала ім здароўя і перадала ім ад арганізацыі гуманітарную дапамогу.   У канцы сустрэчы супрацоўнікі бібліятэкі арганізавалі для прысутных гасцей салодкі стол.