Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

23.06.18 Кніжная выстава “Беларуска-польскае памежжа: сузор’е культур і традыцый”

У рамках VII раённага адкрытага фестывалю польскай культуры і побыту “Эйсмантаўскі фэст” супрацоўнікі Бераставіцкай раённай бібліятэкі імя В.М. Кавалеўскага арганізавалі і правялі прэм’еру кніжнай выставы “Беларуска-польскае памежжа: сузор’е культур і традыцый”.

 Бібліятэкары пазнаёмілі ўдзельнікаў фестывалю з турыстычнымі маршрутамі беларуска-польскага памежжа, з гісторыяй сварэння  самога фестывалю. Адзін з раздзелаў выставы быў прысвечаны Адаму Міцкевічу, які сваім жыццём і сваёй творчасцю пацвярджае адзінства і ўзаемапранікненне культур беларускага, польскага і літоўскага народаў, і якому ў 2018 годзе спаўняецца 220 гадоў з дня нараджэння.