Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.
         

13.07.18 Тэматычная гадзіна “Беларуская мова – ключ да зносін”

У філіяле “Алекшыцкая сельская бібліятэка” прайшла тэматычная гадзіна “Беларуская мова – ключ да зносін”. У сучасным свеце, шмат розных каштоўнасцей, але чамусці родная мова пачала адыходзіць у нябыт, гэтае становішча не вельмі радуе і таму мы запрасілі ў бібліятэку дзяцей, каб расказаць якая наша мова-прыгожая, мілагучная, што трэба не сароміццца  размаўляць па-беларуску, а ганарыцца.  На мерапрыемстве дзеці знаёміліся са слоўнікамі беларускай мовы, адказвалі на пытанні віктарыны, спрабавалі скончыць вядомыя прыказкі, разгадвалі загадкі і чыталі вершы беларускіх аўтараў. Пазнаёміліся з тэматычнай выставай “Чытайце беларускую кнігу”.