Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

14.03.2019г. Час прававой інфармацыі “Канстытуцыі Рэспублікі Беларусь – 25 гадоў”

Для навучэнцаў Бераставіцкага сельскагаспадарчага ліцэя супрацоўнікі раённай бібліятэкі імя В.М. Кавалеўскага правялі час прававой інфармацыі “Канстытуцыі Рэспублікі Беларусь – 25 гадоў”, прысвечаны Дню Канстытуцыі Рэспублікі Беларусь і 25-годдзю прыняцця Асноўнага Закона РБ. 



Бібліятэкар расказала прысутным аб гісторыі Канстытуцыі РБ ад самых вытокаў да сённяшняга дня, асноўных палажэннях, праблемах і перспектывах канстытуцыйнага ладу, прынцыпах дэмакратыі, якія адлюстраваны ў Галоўным Законе Рэспублікі Беларусь. Ажыўленую дыскусію выклікала абмеркаванне правоў і абавязкаў чалавека, якія замацаваны ў Канстытуцыі Рэспублікі Беларусь. У заключэнні навучэнцы адказалі на пытанні віктарыны “У свеце права”.