Супрацоўнікі
Бераставіцкай раённай бібліятэкі імя В.М. Кавалеўскага падрыхтавалі і правялі
для навучэнцаў Бераставіцкага сельскагаспадарчага ліцэя гістарычны альманах
“Гродзенская вобласць: гісторыя і сучаснасць”, прысвечаны 75-годдзю з часу ўтварэння
Гродзенскай вобласці. Бібліятэкар пазнаёміла дзяцей са старонкамі гісторыі
Гродзенскага краю, з асноўнымі выдатнымі мясцінамі Гродзенскай вобласці,
помнікамі архітэктуры, культуры, мастацтва і прыроды.
Навучэнцаў зацікавілі найноўшыя маляўнічыя выданні,
прысвечаныя гісторыі, культуры, сучаснаму развіццю Прынёманскага краю, якія
былі прадстаўлены на кніжнай выставе падчас мерапрыемства. Дзеці адказалі на
пытанні гістарычна-краязнаўчай віктарыны “Вядомыя ўраджэнцы Гродзенскай
вобласці”.
