Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

05.04.2019г. Экскурсія “Летапіс Бераставіччыны ў фотаздымках”

У Бераставіцкай раённай бібліятэцы імя В.М. Кавалеўскага для сталых чытачоў бібліятэкі і наведвальнікаў аддзялення дзённага прабывання для грамадзян сталага ўзросту Тэрытарыяльнага цэнтра сацыяльнага абслугоўвання насельніцтва Бераставіцкага раёна была праведзена экскурсія “Летапіс Бераставіччыны ў фотаздымках”. Увазе прысутных былі прадстаўлены фатаграфіі Бераставіччыны ХХ стагоддзя, змешчаныя на выставе “Фотаімгненні для нашчадкаў”. Дырэктар бібліятэкі коратка пазнаёміла ўдзельнікаў мерапрыемства з вядомымі і невядомымі старонкамі гісторыі Вялікай Бераставіцы, якія адлюстраваны на гэтых фотаздымках, расказала ім аб лёсах гістарычных постацей Бераставіцкага краю.