Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

3.05.2019г. Дзень інфармацыі "Вялікая Перамога!"

Работа раённай бібліятэкі па патрыятычнаму выхаванню падрастаючага пакалення праводзіцца паслядоўна і мэтанакіравана. Важнае значэнне надаецца шырокаму бібліяграфічнаму інфармаванню падлеткаў і моладзі аб гераічных падзеях Вялікай Айчыннай вайны, подзвігу салдат і партызан, мужнасці, праяўленай беларускім народам у гады акупацыі. Сёлета ўвага нададзена 75-годдзю вызвалення Беларусі ад нямецка-фашысцкіх захопнікаў. 

У раённай бібліятэцы прайшоў Дзень інфармацыі "Вялікая Перамога!". Бібліятэкары запрасілі падлеткаў на хвіліну беларускага мастацтва “Вялікі подзвіг народа ў творах беларускіх мастакоў”. Тэма вайны займае значнае месца ў творчасці беларускіх мастакоў. Іх творы раскрываюць сутнасць суровых выпрабаванняў, якія выпалі на долю людзей ваеннай пары. Прысутныя пазнаеміліся з творамі мастацтва тых аўтараў, якія самі прайшлі вайну. Гэта ў поўнай меры мае дачыненне да народных мастакоў Беларусі Леаніда Шчамялёва і Віктара Грамыкі. Яны самі спазналі вайну, і ў іх дастаткова жыццёвага досведу, каб раскрыць яе страшэнную сутнасць. 
  У межах Дня інфармацыі для навучэнцаў ліцэя адбыўся бібліяграфічны агляд літаратуры "Вечная слава Героям!". Сярод экспазіцыйных твораў цікавасць як для маладых людзей, так і для чытачоў больш старэйшага ўзросту ўяўляюць эсэ, нарысы і ўспаміны аб вайне Таццяны Падаляк “Нашчадкі вогненных вёсак”, ілюстраваная храналогія “Беларусь у Вялікай Айчыннай вайне”, даведнік “Партызанскімі тропамі Беларусі”, кнігі Ганны Грабёнкінай “Жывая боль” з зана­таванымі ўспамінамі жанчын і дзяцей Брэсцкага гарнізона, Аляксандра Пыльцына “Старонкі гісторыі 8-га штрафнога батальёна I Беларускага фронта”, Уладзіслава Ганчарова “Аперацыя “Баграціён” і іншыя.