Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

09.06.2019г. Абласны кніжны фестываль “Кніга і час”

Бераставіцкая раённая бібліятэка імя В.М. Кавалеўскага прыняла ўдзел у другім абласным кніжным фестывалі “Кніга і час”, прысвечаным Году малой Радзімы. Бераставіцкую пляцоўку прадстаўлялі: кніжна-ілюстрацыйная кампазіцыя “Бераставіччына: Час. Падзеі. Людзі”, на якой былі прадстаўлены выданні бібліятэкі аб гісторыі і сучаснасці краю; выстава фатаграфій бераставічанкі Ангеліны Радзявічэне “Вобразы роднага краю”; выстава самаробных лялек Ірыны Панок “Чароўная краіна лялек”. Акрамя гэтага працавалі майстар-клас па аквагрыму для дзяцей “Зробім жыццё ярчэй!” і майстар-клас “Вечная спадарожніца кнігі – закладка”. Завяршыўся фестываль тэатралізаванымі прадстаўленнямі, падрыхтаванымі супрацоўнікамі бібліятэк вобласці.