Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

14.06.2019г. Пазнавальная гутарка "Падарожжа па родным краі"


У філіяле «Алекшыцкая сельская бібліятэка» прайшла пазнавальная гутарка "Падарожжа па родным краі" для вучняў 8-9 класаў. У ходзе гутаркі падлеткі мелі магчымасць не толькі пачуць гісторыю ўзнікнення Бераставіцкага раёна і сваёй малой радзімы, але і ўбачыць пры дапамозе віртуальнай экскурсіі. Асаблівая ўвага была нададзена помнікам архітэктуры - цэрквам і храмам нашага раёна, якія захаваліся да нашых дзён. На выставе «Зямля бераставіцкая, бацькоўскі дом» можна было пазнаёміцца з гісторыяй стварэння РСУП «Алекшыцы», а на выставе «Подзвіг вялікі і вечны» падлеткаў уразілі  газеты 1942 і1945-х гадоў.