Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

16.08.2019г. Бібліятэчная дэгустацыя «Сёння свята ў нас, яблычна-мядовы спас»


Бібліятэкары філіяла «Алекшыцкая сельская бібліятэка» сумесна з юнымі чытачамі наведалі аддзяленне кругласутачнага знаходжання для пажылых і адзінокіх аг. Алекшыцы, дзе правялі бібліятэчную дэгустацыю «Сёння свята ў нас, яблычна-мядовы спас». Падчас мерапрыемства прысутныя даведаліся пра тры рэлігійных святы, тры Спаса, якія ўшаноўваюць дары прыроды: мёд, яблыкі і арэхі. Пачулі пра хрысціянскія традыцыі, пра розныя сарты яблыкаў, мёду, арэхаў і іх цалебныя ўласцівасці для нашага арганізма.  Напрыканцы мерапрыемства пад акампанемент Макара Ул.М. прагучалі народныя песні.