Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

5.09.2019г. Гістарычнае падарожжа “Сімяон Полацкі: беларускі асветнік пры двары расійскіх цароў”

У філіяле “Малабераставіцкая інтэграваная сельская бібліятэка” да Дня беларускага пісьменства адбылося гістарычнае падарожжа “Сімяон Полацкі: беларускі асветнік пры двары расійскіх цароў”. Наведвальнікі пазнаёміліся з гісторыяй узнікнення свята, пазнаёміліся з біяграфіяй Сімяона Полацкага. У ходзе мерапрыемства даведаліся, што сапраўднае імя Сімяона Полацкага - Самуіл Гаўрылавіч Пятроўскі-Сітняновіч, што гэтага чалавека ведаюць ва ўсім славянскім свеце, як вялікага дзеяча ўсходнеславянскай культуры, манаха, багаслова, паэта, настаўніка, філосафа, драматурга, перакладчыка і лекара.