Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

26.11.2019г. Бібліятэчны ўрок "Па старонках кнігі "Памяць""

26 лістапада ў філіяле “Пагранічная сельская бібліятэка” быў праведзены бібліятэчны ўрок "Па старонках кнігі “Памяць”". Бібліятэкары сумесна з настаўніцай пачатковых класаў прапанавалі вучням цікавы экскурс у мінулае, пазнаёмілі з раздзеламі кнігі “Памяць”. Вучні з захапленнем знаходзілі знаёмыя мясціны і імёны сваіх землякоў, аб якіх паведамляецца ў кнізе. Дзеці падрыхтавалі паведамленні аб сваіх родных, чые імёны ўпісаны ў гісторыю Бераставіччыны.