Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

29.11.2019г. Конкурс сняжынак “Карункі зімы”

У філіяле “Пагранічная сельская бібліятэка” прайшоў конкурс сняжынак “Карункі зімы”. Прысутным былі прапанаваны кароткія звесткі аб адным з відаў народнай дэкаратыўна – прыкладной творчасці: выцінанцы – выразанні ажурных узораў з паперы. Дзеці даведаліся адкуль з’яўляюцца прыгожыя ўзоры на шкле і чаму падаюць, непадобныя адна на адну, сняжынкі. Маленькія майстры з задавальненнем стваралі свае цудоўныя выцінанкі – сняжынкі, а самыя лепшыя работы ўпрыгожаць бібліятэку на навагоднія святы!