Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

03.12.2019г. Мерапрыемства “Мы другія, але мы побач”

“Мы другія, але мы побач” – пад такой назвай у Бераставіцкай раённай бібліятэцы імя В.М. Кавалеўскага прайшло мерапрыемства, прысвечанае Міжнароднаму дню людзей з абмежаванымі магчымасцямі здароўя. На імпрэзу запрасілі наведвальнікаў клуба маладых інвалідаў “Вясёлка дабра”, што працуе пры бібліятэцы. Супрацоўнікі бібліятэкі расказалі прысутным аб лёсах сусветна вядомых людзей з абмежаванымі магчымасцямі, аб іх дасягненнях і талентах, пазнаёмілі з матэрыяламі кніжна-інфармацый выставы “Моцныя духам”, на якой былі прадстаўлены кнігі і інфармацыя аб такіх асобах, як Мікалай Астроўскі, Эдуард Асадаў, Вольга Скараходава, Аляксей Марэсьеў, Нік Вуйчыч, Сцівен Хогінг і інш. Бібліятэкары падрыхтавалі пазнавальна-забаўляльную праграму з конкурсамі, гульнямі і жартамі. У выкананні ўдзельнікаў клуба прагучалі песні.      
Завяршылася мерапрыемства салодкім сталом, які арганізавала для прысутных сям’я Сірануш Геворгаўны Палакян з аграгарадка Алекшыцы.