Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

13.03.2020г. Прававы час “Канстытуцыя – наш Асноўны Закон”

Напярэдадні Дня Канстытуцыі Рэспублікі Беларусь ў Бераставіцкай раённай бібліятэцы імя В.М. Кавалеўскага адбыўся прававы час “Канстытуцыя – наш Асноўны Закон”. На мерапрыемства запрасілі ўдзельнікаў клуба маладых інвалідаў “Вясёлка дабра” і наведвальнікаў аддзялення дзённага прабывання для грамадзян сталага ўзросту Тэрытарыяльнага цэнтра сацыяльнага абслугоўвання насельніцтва Бераставіцкага раёна. Бібліятэкар расказала прысутным аб гісторыі Канстытуцыі РБ ад самых вытокаў да сённяшняга дня, асноўных палажэннях, праблемах і перспектывах канстытуцыйнага ладу, прынцыпах дэмакратыі, якія адлюстраваны ў Галоўным Законе Рэспублікі Беларусь.
Затым перад прысутнымі выступіла загадчык натарыяльнай канторы Бераставіцкага раёна Л.І. Абрамовіч і пазнаёміла ўдзельнікаў мерапрыемства з агульнымі палажэннямі і актуальнымі пытаннямі спадчыннага права Рэспублікі Беларусь, а таксама адказала на пытанні прысутных.