Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

12.03.2021г. Гадзіна зносін “Традыцыі суверэннай Беларусі”

Да Года народнага адзінства ў філіяле “Малабераставіцкая інтэграваная сельская бібліятэка” прайшла гадзіна зносін “Традыцыі суверэннай Беларусі” з вучнямі сярэдняга і малодшага школьнага ўзросту. Беражліва захоўваючы спадчыну мінулага, суверэнная Беларусь закладвае і новыя традыцыі. У іх дасягненні і лепшыя якасці беларусаў: міласэрнасць і дружалюбнасць, душэўная шчодрасць і гатоўнасць падзяліцца ўсім што маем.

Падчас мерапрыемства навучэнцы пазнаёміліся з новымі традыцыямі, такімі як: захаванне старажытных беларускіх абрадаў, урачыстасці на плошчы Дзяржаўнага флага Рэспублікі Беларусь, урачыстасці з нагоды Дня Незалежнасці Рэспублікі Беларусь, Дзень Перамогі - Беларусь памятае, дзень беларускага пісьменства, уручэнне прэміі “За духоўнае адраджэнне”, “Славянскі базар”, Навагодні баль для моладзі, Калядны турнір аматараў хакея “Залатая шайба”, падтрымка мацярынства і дзяцінства, акцыя “Нашы дзеці”. Госць мерапрыемства загадчык філіяла па КДД аг.Малая Бераставіца Варанцова Ганна Антонаўна расказала навучэнцам аб традыцыях малой радзімы. На прыканцы мерапрыемства наведвальнікі пазнаёміліся з кніжнай экспазіцыяй “Традыцыі і звычаі беларускага народа”.