Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

19.03.2021г. Экалагічны ўрок “Вада – гэта жыццё”

Да Сусветнага дня вады, які адзначаецца 22 сакавіка, у філіяле “Пагранічная сельская бібліятэка” прайшоў экалагічны ўрок “Вада – гэта жыццё”. Бібліятэкары падрыхтавалі паведамленне аб гісторыі ўзнікнення свята, значэнні вады ў жыцці чалавека, класіфікацыі вады па яе месцазнаходжанню ў прыродзе. На прыканцы сустрэчы для ўдзельнікаў былі прапанаваны цікавыя звесткі аб вадзе, загадкі. Асаблівы інтарэс выклікала абмеркаванне пытанняў аб ахове водных рэсурсаў і іх забруджванні.