Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

06.04.2021г. Дыялогавая пляцоўка “На шляху яднання”

Да 25-годдзя яднання народаў Беларусі і Расіі, у філіяле “Алекшыцкая сельская бібліятэка” прайшла дыялогавая пляцоўка “На шляху яднання”. Эпіграфам да мерапрыемства стаў выраз: “Адна ў нас калыска – зялёны край, славянская зямля”. У мерапрыемстве прынялі ўдзел моладзь і члены БРСМ РСУП “Алекшыцы”, а таксама намеснік дырэктара па ідэялагічнай рабоце Алеся Капіца і старшыня Алекшыцкага сельскага Савета Віталій Галавач. Прысутныя даведаліся пра  гісторыю яднання нашых братэрскіх народаў: агульная гісторыя, агульныя трагедыі і агульныя перамогі.

Сувязі рускага і беларускага народаў маюць глыбокія карані, якія ніхто не зможа падкапаць і разарваць. Яны ідуць з глыбіні стагоддзяў, надаючы гэтаму “дрэву-волату” надзвычайную сілу і моц. Бібліятэкар звярнула ўвагу на літаратуру, якая была прадстаўлена на кніжнай выставе “Беражы Беларусь, ганарыся родным краем!”. Увазе ўдзельнікаў дыялогавай пляцоўкі быў прапанаваны відэафільм “Беларусь – Расія: 25 гадоў разам” , у якім асвяшчаўся ўвесь шлях інтэграцыі паміж народамі Расіі і Беларусі. Адбылося абмеркаванне вышэй сказанага. Кожны мог выказаць свой пункт гледжання на дадзеную тэму, паспрачацца ў тым , ці іншым пытанні. Гэта быў адкрыты дыялог, дзе кожны змог выказаць сваю думку. Падводзячы вынік, хочацца сказаць: атрымаўся вельмі канструктыўны дыялог у цёплай атмасферы.