Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

14.05.2021 г. Пазнавальна-забаўляльная праграма “Сем Я – гэта сям’я” для ўдзельнікаў клуба “Вясёлка дабра” да Міжнароднага дня сям’і.

15 мая ва ўсім свеце адзначаецца Міжнародны дзень сям’і. Свята было заснавана ў 1993 годзе па ініцыятыве Генеральнай Асамблеі ААН. Немалаважную ролю ў працэсе маральнага і духоўнага выхавання сям’і, яе ўмацавання адыгрывае кніга, бібліятэка. Супрацоўнікі Бераставіцкай раённай бібліятэкі імя В.М. Кавалеўскага вядуць значную работу па ўмацаванню сямейных адносін, прапагандзе сямейных каштоўнасцяў і арганізацыі сямейнага вольнага часу. Арганізуюць індывідуальную і культурна-масавую дзейнасць: арганізуюць мастацкія выставы, распрацоўваюць мерапрыемствы он-лайн, афармляюць кніжныя выставы, тэматычныя паліцы і прагляды літаратуры. Для наведвальнікаў клуба маладых інвалідаў “Вясёлка дабра” біліятэкары арганізавалі пазнавальна-забаўляльную праграму “Сем Я – гэта сям’я”, падчас якой прапанавалі маладым людзям паўдзельнічаць у конкурсах і гульнях. Яны з задавальненнем адгадвалі загадкі, адказвалі на пытанні віктарыны. У выкананні ўдзельнікаў мерапрыемства прагучалі песні, прысвечаныя сям’і і вернасці.