Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

15.05.2021г. Кніжная выстава “Міхаіл Булгакаў: лёс і кнігі”

У філіяле “Малабераставіцкая інтэграваная сельская бібліятэка” адбылося знаёмства з творчасцю Міхаіла Булгакава. Да 130-годдзя з дня нараджэння пісьменніка была аформлена кніжная выстава “Міхаіл Булгакаў: лёс і кнігі”. Удзельнікі даведаліся шмат цікавых фактаў з жыцця пісьменніка, пра яго лёс і творчыя пошукі, што глыбока іх зацікавіла і дазволіла ім па-іншаму аднесціся да некаторых твораў пісьменніка і ацаніць іх. Міхаіл Булгакаў і па гэты час застаецца адным з самых папулярных пісьменнікаў. Сучасным чытачам мы раім пазнаёміцца з літаратурнымі творамі аўтара і адкрыць новыя каштоўнасці, якія ўтойваюцца ў іх глыбінях.