16 мая споўнілася 110 гадоў з дня нараджэння вядомага дзіцячага пісьменніка – Васіля Віткі. Васіль Вітка па праву лічыцца мэтрам беларускай дзіцячай літаратуры. На яго кнігах “вырасла” не адно пакаленне чытачоў. З 12 па 16 мая ў філіяле “Малабераставіцкая інтэграваная сельская бібліятэка” дзейнічала кніжная выстава “Паэтычна, хораша, займальна” прысвечаная юбілею пісьменніка. Чытачы бібліятэкі прадэманстравалі свае здольнасці ў дэкламаванні вершаў, чыталі вершы, казкі, скорагаворкі. Родная беларуская мова з вуснаў чытальнікаў гучала мілагучна, натуральна, шчыра.