Паважаныя чытачы! Пры Бераставіцкай раённай бібліятэцы дзейнічае праграма “Дыстанцыйная прававая дапамога насельніцтву” для малазабяспечаных грамадзян. Кожны другі аўторак месяца Вы маеце магчымасць атрымаць бясплатную юрыдычную кансультацыю на хвалюючыя Вас пытанні.

05.06.2021г. Гульнявая праграма “Добрым смехам смяюцца дзеці”

Бібліятэкар філіяла “Алекшыцкая сельская бібліятэка”  правяла гульнявую праграму “Добрым смехам смяюцца дзеці”. Была аформлена кніжная выстава, на якой была размешчана літаратура для дзяцей і падлеткаў. Можна было пазнаёміцца з навінкамі, а таксама выбраць сабе твор па густу разнастайнага напрамку. Вельмі захапіла дзяцей гульнявая праграма, дзе можна было праявіць сябе ў лоўкасці, кемлівасці, хуткасці. Пераможцаў чакалі падарункі і салодкія пачастункі. У выкананні саміх дзяцей гучалі песні і вершы пра дзяцінства. Працавалі гандлёвыя кропкі, салодкая вата, поп-корн, аквагрым, лазертак, горка, батут… Вельмі цікава, весела і з задорынкай прайшло свята, якое, напэўна, запомніцца надоўга кожнаму, хто знайшоў вольную часіну і прыйшоў, каб адпачыць разам са сваімі дзецьмі.