На
чарговым пасяджэнні аматарскага аб’яднання “Экалагічны буквар”, якое працуе пры
Бераставіцкай раённай бібліятэцы, ішла гаворка аб жывёлах, якім пагражае
небяспека і якія занесены ў Чырвоную
кнігу. Спачатку бібліятэкар расказала дзецям аб паяўленні Чырвонай кнігі як
Міжнароднай, так і Чырвонай кнігі Рэспублікі Беларусь як афіцыйнага дакумента,
які смяшчае сістэматызаваныя звесткі пра віды жывёл і раслін, што з’яўляюцца
рэдкімі або знаходзяцца пад пагрозай знікнення і патрабуюць асобай аховы. Затым
дзеці даведаліся аб тых жывёлах, якія знаходзяцца пад пагрозай знікнення. Дзяцей
вельмі зацікавілі маляўнічыя карцінкі з выявай гэтых жывёл, якія бібліятэкар
прадэманстравала на пасяджэнні. Юныя натуралісты з задавальненнем адгадвалі
загадкі і адказвалі на пытанні супрацоўніка бібліятэкі. У канцы сустрэчы яны
атрымалі заданне знайсці загадкі аб жывёлах.
