30 сакавіка
“Кватарская інтэграваная сельская бібліятэка” запрасіла дзяцей малодшага
школьнага ўзросту на кніжныя жмуркі “У краіне казак”. Школьнікаў
сустракала незвычайная выстава – кніжны сюрпрыз. Лепшыя выданні для дзяцей былі
абгорнуты паперай, або схаваныя ў пакеты для падарункаў. Бібліятэкар са сваімі
вернымі сябрамі-кнігамі запрасіла дзяцей пагуляць у кніжныя жмуркі, дзе вясёлыя
вершы перапляталіся з цікавымі гісторыямі. Каб атрымаць кнігу, неабходна было
прайсці невялікія выпрабаванні: адказаць на некалькі пытанняў на кемлівасць. Маленькія
чытачы з захапленнем гулялі ў кніжныя жмуркі.
