Традыцыйна Міжнародны дзень аховы помнікаў і
гістарычных мясцін адзначаецца 18 красавіка. Свята было ўстаноўлена Асамблеяй
Міжнароднага савета па пытаннях аховы
помнікаў і гістарычных мясцін яшчэ ў 1983 годзе. Яно абвешчана для таго, каб
звярнуць увагу людзей на праблемы захавання і аховы нашай культурнай спадчыны.
Да гэтага памятнага дня ў Бераставіцкай раённай бібліятэцы для вучняў старшых
класаў прайшоў краязнаўчы марафон “Захаваем гістарычную спадчыну: помнікі гісторыі
і архітэктуры Бераставіччыны”. Спачатку бібліятэкар пазнаёміла дзяцей з гісторыяй заснавання гэтай даты, затым з гістарычнымі
і архітэктурнымі помнікамі, якія захаваліся на Бераставіччыне. Вучням была
прадстаўлена відэпрэзентацыя “Помнікі сакральнай архітэктуры Бераставіччыны”,
падчас якой дзеці пазнаёміліся з асаблівасцямі архітэктуры праваслаўных і каталіцкіх
храмаў Бераставіцкага раёна. У канцы мерапрыемства супрацоўнік бібліятэкі звярнула
ўвагу дзяцей на кніжна-ілюстрацыйную
выставу “У помніках - наша гісторыя”, на якой змешчаны кніжныя і перыядычныя выданніі,
у якіх можна атрымаць больш змястоўную інфармацыю па гэтай тэме.