15 красавіка 2022 г. споўнілася 570 гадоў з дня
нараджэння знакамітага італьянскага мастака, скульптара і вучонага Леанарда да
Вінчы (1452-1519). Да юбілею вядомага жывапісца ў Бераставіцкай раённай
бібліятэцы была аформлена кніжна-ілюстрацыйная выстава “ Не глядзіць назад той,
хто імкнецца да зоркі”, і для чытачоў бібліятэкі быў праведзены арт-агляд “Леанарда
да Вінчы вядомы і невядомы”. Бібліятэкар пазнаёміла прысутных з самымі цікавымі
фактамі біяграфіі мастака і расказала ім пра творчасць і некаторыя вынаходствы
Леанарда да Вінчы. У канцы сустрэчы яна зрабіла агляд мастацкіх твораў замежных
аўтараў, якія прысвечаны творчасці вялікага жывапісца, скульптара і вучонага і тайнам
яго карцін.
