Штогод у трэцюю нядзелю мая адзначаецца Сусветны дзень
памяці ахвяр СНІДу. Да гэтай даты ў
раённай бібліятэцы імя В.М.Кавалеўскага прайшла інфарміна “Мы супраць СНІДу”. Мэта
мерапрыемства ўшанаваць памяць ахвяр СНІДу, інфармаваць моладзь аб механізмах
перадачы ВІЧ, метадах абароны ад інфекцыі і своечасовым дыягнаставанні хваробы.
Бібліятэкар расказала пра прафілактыку ВІЧ-інфекцыі і пра тое, наколькі важная
ў жыцці прыхільнасць здароваму ладу жыцця, пазнаёміла прысутных з сімвалам руху
па папярэджанні СНІДу. Гэта чырвоная стужачка, прышпілена да адзення. Гэты атрыбут
прыдумаў у 1991 годзе мастак Фрэнк Мур, якога таксама закранула праблема
ВІЧ/СНІДу. У заключэнне навучэнцам былі раздадзены палоскі паперы і было
прапанавана іх скамячыць, парваць, зрабіць што заўгодна. А потым бібліятэкар
прапанавала іх зрабіць ранейшымі, вярнуць паперы яе першапачатковы выгляд.
Нікому з прысутных гэта зрабіць не ўдалося. Так і з арганізмам чалавека, пасля
разбуральнага ўплыву ВІЧ-інфекцыі ён ніколі не стане ранейшым.
