Акцыя дабрыні "Міласэрнасць без выхадных" да Дня інвалідаў
прайшла ў філіяле "Малабераставіцкая інтэграваная сельская
бібліятэка" . Бібліятэкар
пазнаёміла ў гэты дзень сваіх маленькіх
чытачоў з кнігай Валерыя Сцяцко "Нязломны Аляксей Талай". Як моцна
крануў маленькія сэрцы лёс хлопчыка, які падарваўся на міне
ў мірны час. Яго жаданню жыць, сіле волі і дабрыні характару можна толькі павучыцца і браць прыклад, як можна знайсці сябе нават трапіўшы ў
цяжкі вір лёсу, але не
страціць надзею на паўнацэннае жыццё і не апусціць рукі. Гартаючы старонку за
старонкай, з цікавасцю разглядвалі вучні фотаздымкі і наперабой задавалі
пытанні, на якія бібліятэкар давала адказы і тлумачыла тую ці іншую сітуацыю.