Новы год – яркае, чароўнае, шумнае і непаўторнае
свята. Кожны год на прыканцы снежня ў Бераставіцкай раённай бібліятэцы ўжо
ўсё “дыхае” навагоднім настроем. Новы год - гэта адно з любімых
святаў усіх дзяцей. Яго доўга чакаюць дзяўчынкі і хлопчыкі і, вядома ж, вераць
у чароўную казку. Сёлета супрацоўнікі бібліятэкі падрыхтавалі для малодшых
школьнікаў – удзельнікаў аматарскага аб'яднання "Люстэрка"
навагодняе прадстаўленне “Забавы ля навагодняй
ёлкі".Рознакаляровыя, бліскучыя гірлянды і ярка ўпрыгожаная ёлка
прынеслі дзецям адчуванне навагодняга
цуду. З самага пачатку прадстаўлення героі Снягурка і Баба Яга захапілі дзяцей
у чароўны свет гульні.
Хлопчыкі і дзяўчынкі акунуліся ў святочную атмасферу
прыгод, прымалі ўдзел у цікавых конкурсах і віктарынах, дапамаглі Снягурцы
расчараваць Дзеда Мароза. А са з'яўленнем Дзеда Мароза вадзілі карагоды вакол
ёлкі і чыталі вершы ў прыгожых касцюмах казачных герояў. Пасля прадстаўлення
ўсе дзеці атрымалі салодкія падарункі, а Дзед Мароз і Снягурка
павіншавалі з надыходзячым Новым годам і пажадалі шмат радасці і шчасця, поспехаў і моцнага здароўя.
Атмасфера весялосці і сяброўскіх зносін панавала ў бібліятэцы, а гэта
значыць, што свята атрымалася!