Цікава і пазнавальна ў Бераставіцкай раённай
бібліятэцы імя В.М. Кавалеўскага прайшла інтэлектуальная квэст-гульня "Гісторыя
Бераставіцкага краю". Дзеці здзейснілі займальнае падарожжа па куточках
малой радзімы, дзе даведаліся шмат цікавых фактаў пра Вялікую Бераставіцу, успомнілі яе гісторыю, пазнаёміліся з
культурай бераставіцкай зямлі. Вучні атрымлівалі заданні ў канвертах: разгадвалі
крыжаванкі, збіралі правільныя назвы архітэктурных помнікаў, знаходзілі
адпаведнасці ў партрэтнай галерэі і інш. Навучэнцы з задавальненнем і азартам
праходзілі ўсе этапы гульні. За правільныя адказы яны атрымоўвалі частку
ключавой фразы, якую ў канцы трэба было скласці. Удзельнікаў зацікавілі
гістарычныя факты аб Бераставіцы, якіх у бібліятэцы мноства. Выдатным
завяршэннем квэст-гульні было сумеснае фота на памяць.
