28 лютага ў філіяле “Кватарская інтэграваная сельская
бібліятэка” прайшла гульнявая праграма “Расцем сапраўднымі мужчынамі”. Хлопчыкі
і дзяўчынкі актыўна ўдзельнічалі ў святочных конкурсах і гульнях. Хлопцы,прымаючы
ўдзел у конкурсах на самага трапнага, цягавітага, спрытнага і хуткага,
пераадольвалі перашкоды, паказваючы свае спартыўныя ўменні і навыкі быць
уважлівымі. А адказваючы на пытанні вайсковай віктарыны, паказалі свае веды і
кемлівасць. У выніку ўсе хлопцы справіліся з заданнямі: нехта атрымаў поспех у
адным конкурсе, нехта ў іншым паказаў лепшыя вынікі, але ўсе даказалі на
справе, што яны вартыя высокага звання – Абаронца Айчыны. Прызам за ўдзел сталі
салодкія падарункі і граматы.
