У межах Тыдня праваслаўнай кнігі 10 сакавіка ў філіяле
“Пагранічная сельская бібліятэка” прайшла сустрэча з настаяцелем храма святой
прападобнай Еўфрасінні Полацкай Сергіем Шэлестам “Словы мудрасці духоўнай”.
Тэмай для размовы была эпахальная падзея
ў гісторыі Праваслаўнай Царквы 185 год таму, 25 лютага, у горадзе Полацку
ўніяцкія іерархі і клірыкі, якія служылі на беларуска- літоўскіх землях па
закліку біскупа Іосіфа (Сямашка) сабраліся пад скляпеннямі старажытнага
Сафійскага сабора, каб абвясціць аб адмене Брэсцкай уніі 1596 года і аб сваім
добраахвотным вяртанні ва ўлонне Праваслаўнай Царквы. Уз’яднанне уніятаў з
Праваслаўнай Царквой паклала канец падзелам на рэлігійнай глебе, якія
азмрочвалі жыццё беларускага краю, і з’явілася трывалай падставай міру ў нашым
грамадстве і дзяржаве. Да ўвагі прысутных бала падрыхтавана кніжная выстава праваслаўнай
літаратуры “Да дабра праз слова”.
