Удзельнікі аматарскага аб'яднання "Дамавічок" на XXIV міжнароднай кніжнай выставе-кірмашы і на прэзентацыі новай кнігі Уладзіміра Ліпскага “Я помню ўсё…” у Мінску

   10 лютага, па запрашэнню рэдакцыі часопіса “Вяселка”, супрацоўнікі філіяла “Пагранічная сельская бібліятэка” і ўдзельнікі аматарскага аб'яднання "Дамавічок" пабывалі ў г. Мінску на XXIV міжнароднай кніжнай выставе-кірмашы і на прэзентацыі новай кнігі Уладзіміра Ліпскага “Я помню ўсё…”. Удзельнікі аматарскага аб’яднання былі  ўзнагароджаны падзячнымі лістамі і падарункамі за плённае супрацоўніцтва з часопісам “Вяселка”. Таксама Уладзімір Ліпскі падараваў сваю кнігу “Я помню ўсё..” з аўтарскім подпісам. 

       «Я помню ўсё ...» - новая кніга з серыі «Бібліятэка часопіса "Вясёлка "» (укладальнікі Уладзімір Ліпскі і Мікола Чарняўскі). У кнізе сабраны балючыя ўспаміны вядомых беларускіх пісьменнікаў - «дзяцей вайны». І гэта не толькі цудоўная проза, але і высокі духоўна-маральны камертон. Слухаючы гісторыі з кнігі, якія прыводзіў пісьменнік Уладзімір Ліпскі, дзеці заміралі і шырока раскрывалі вочы, а твары ў іх пры гэтым былі ўважлівымі і сур'ёзнымі. Зацікавіць сучасных маленькіх чытачоў такой няпростай тэмай бывае складана, але Уладзімір Сцяпанавіч з гэтым упэўнена справіўся.