У
Бераставіцкай раённай бібліятэцы імя В. М. Кавалеўскага адбыўся гісторыка-краязнаўчы экскурс «Ураджэнцы Бераставіччыны ў сусветнай навуцы». Стаць
удзельнікамі сустрэчы змаглі наведвальнікі аддзялення дзённага знаходжання для
грамадзян пажылога ўзросту Тэрытарыяльнага цэнтра сацыяльнага абслугоўвання
насельніцтва, а таксама члены раённай ветэранскай арганізацыі.
Супрацоўнікі бібліятэкі
паклапаціліся пра тое, каб максімальна падрабязна і цікава пазнаёміць прысутных
з гісторыяй жыцця і навуковай дзейнасцю выдатных землякоў. Асаблівая ўвага была нададзена Восіпу Міхайлавічу Кавалеўскаму, вядомаму вучонаму, ураджэнцу Вялікай Бераставіцы. Напрыканцы ўдзельнікі атрымалі магчымасць
абмеркаваць пачутае, праясніць спрэчныя для сябе пытанні і нават падзяліцца
адзін з адным ўласнымі ведамі па тэме.