“Матуля родная – выток жыцця,
калыска дабрыні”! – пад такой назвай у Бераставіцкай раённай бібліятэцы імя
В.М.Кавалеўскага прайшло чарговае пасяджэнне клуба маладых інвалідаў “Вясёлка
дабра”, прысвечанае Міжнароднаму дню Маці. Супрацоўнікі
бібліятэкі падрыхтавалі для сваіх гасцей музычна-забаўляльную праграму, у ходе
якой кожнаму ўдзельніку клуба трэба было ўспомніць самыя ласкавыя і пяшчотныя
словы, якія можна адрасаваць сваёй маме, назваць якасці, уласцівыя самаму
дарагому чалавеку на свеце, а таксама адгадаць загадкі. А віктарына “Казачныя
мамы” і конкурс “Мамы-казачніцы” асвяжылі ў памяці маладых людзей персанажы і
падзеі многіх казак. У канцы мерапрыемства ўсе ўдзельнікі атрымалі
падрыхтаваныя бібліятэкарамі святочныя паштоўкі “З Днём Маці!”, каб яны павіншавалі імі сваіх любімых матуль.
