28.12.2021г. Святочнае віншаванне “У Новы год – з жартамі і песнямі” для ўдзельнікаў клуба маладых інвалідаў “Вясёлка дабра”

 Напярэдадні Новага года супрацоўнікі Бераставіцкай раённай бібліятэкі запрасілі да сябе ў госці наведвальнікаў аматарскага аб’яднання маладых інвалідаў “Вясёлка дабра”, што працуе пры бібліятэцы. Бібліятэкары падрыхтавалі цікавую і захапляючую забаўляльную праграму. Каб атрымаць ад Дзеда Мароза навагоднія падарункі, удзельнікі павінны былі выканаць некалькі заданняў, якія для іх прыпасла Баба Яга. Прысутныя лёгка з імі справіліся і чакалі сустрэчу з галоўным госцем. Віноўнік урачыстасці не прымусіў сябе доўга чакаць – адразу з’явіўся. Маладыя людзі з задавальненнем дэманстравалі свае таланты: спявалі і танцавалі, расказвалі вершы і вадзілі карагоды вакол галоўнага сімвала Новага года. Дзед Мароз уручыў гасцям свята не толькі навагоднія падарункі, але і залатыя манеткі, якія прынясуць шчасце і поспех у наступным годзе, а таксама пажадаў усім прысутным не пераставаць марыць, цаніць і берагчы свой дом і блізкіх людзей.