22 сакавіка – Дзень памяці трагедыі Хатыні, беларускай вёскі, якую знішчылі гітлераўскія карнікі ў гэты дзень 1943 года. 149 жыхароў гэтай вёскі
былі спалены і расстраляны фашыстамі. У 1969 г. на месцы, дзе знаходзілася
вёска, быў адкрыты мемарыяльны комплекс. Сімвалам бязмерных выпрабаванняў
беларусаў стала Хатынь, якая прадстаўляе 186 беларускіх вёсак, знішчаных у гады
Вялікай Айчыннай вайны разам з іх жыхарамі. Да гэтай трагічнай памятнай даты ў
Бераставіцкай раённай бібліятэцы была арганізавана кніжна-ілюстрацыйная выстава
“Гучаць званы Хатыні”. Бібліятэкары правялі для вучняў малодшых і сярэдніх
класаў Вялікабераставіцкай СШ актуальнае паведамленне, падчас якога пазнаёмілі
школьнікаў з матэрыяламі выставы, а таксама расказалі аб трагічных падзеях 22 сакавіка
1943 года ў беларускай вёсцы Хатынь. Затым праінфармавалі іх аб тым, што 5
студзеня 2022 года ў Беларусі прыняты закон “Аб генацыдзе беларускага народа”,
які прадугледжвае юрыдычнае прызнанне генацыду беларускага народа, які
здзейснілі фашысцкія захопнікі і іх памагатыя ў гады Вялікай Айчыннай вайны і
пасляваенны перыяд (да 1951 года). Пад народам Беларусі маюцца на ўвазе ўсе
грамадзяне, якія пражывалі на тэрыторыі Беларусі ў тыя гады. Таксама
ўстанаўліваецца крымінальная адказнасць за публічнае адмаўленне генацыду
беларускага народа.