Бераставіцкая раённая бібліятэка імя В.М.Кавалеўскага
запрасіла вучняў 10-га класа сярэдняй школы на актуальнае паведамленне “Музеі –
гонар краіны”, прысвечанае Міжнароднаму дню музеяў. Бібліятэкар
праінфармавала дзяцей аб тым, што Міжнародны дзень музеяў – прафесійнае свята
работнікаў музеяў свету, і адзначаецца ён з 1977 г. 18 мая паводле рашэння ХІІ Генеральнай
асамблеі Міжнароднага савета музеяў. З 1992 г.
свята прысвячаецца пэўнай тэме, якая
вызначаецца Кансультацыйным камітэтам савета. Тэма 2022 года – “Сіла музеяў”.
Музеі могуць змяніць свет вакол нас. Яны распавядаюць аб мінулым і натхняюць на
новыя ідэі. Сёлета свята прысвечана вывучэнню патэнцыяла музеяў, лічбавым інавацыям,
якія могуць зрабіць музеі больш даступнымі і прывабнымі. Міжнародны дзень
музеяў адзначаюць у больш як 150 краінах. Да святкавання Міжнароднага дня
прымеркавана акцыя “Ноч музеяў”, якая праводзіцца ў Беларусі з 2005 г. Тэма
акцыі 2022 года – “Сіла музеяў краіны: фарміраванне інфармаванага і
зацікаўленага грамадзянскага грамадства”. Падчас мерапрыемства супрацоўнік бібліятэкі
прадставіла ілюстраваныя выданні, змешчаныя на выставе і прысвечаныя Дзяржаўным
музеям, народным музеям устаноў адукацыі і рэгіянальным і гарадскім
гісторыка-краязнаўчым музея Беларусі.
