З нагоды 140-годняга юбілею класіка сусветнай і беларускай літаратуры Янкі Купалы у Бераставіцкай раённай бібліятэцы імя В.М.Кавалеўскага арганізаваны адкрыты прагляд літаратуры “У храме слова Янкі Купалы”. Бібліятэкары запрасілі вучняў сярэдніх класаў і правялі для іх літаратурнае паведамленне “Паэт беларускай зямлі Янка Купала”. Дзяцей пазнаёмілі з галоўнымі фактамі біяграфіі паэта і яго творчым лёсам, а таксама з кнігамі, змешчанымі на выставе, прысвечанай юбілею народнага песняра.
