04.08.2022г. Экспрэс-экспедыцыя “Урокі Чырвонай Шапачкі” у рамках раённага праекта “Культурныя канікулы”.

У рамках раённага праекта “Культурныя канікулы” у Бераставіцкай раённай бібліятэцы імя В.М.Кавалеўскага адбылася экспрэс-экспедыцыя “Урокі Чырвонай Шапачкі”, падчас якой школьнікі павінны былі навучыцца выконваць правілы бяспекі дома, на вуліцы, у лесе, на рэчцы, а таксама правілы пажарнай бяспекі. Бібліятэкар пазнаёміла іх з небяспекамі, якія пагражаюць здароўю дзяцей. Для гэтага школьнікі адправіліся ў экспедыцыю, у ходзе якой іх чакалі розныя перашкоды, якія трэба было пераадолець.  Дзеці прайшлі астаноўкі: “Праверка”, “Прымаўкі”, “У краіне дарожных правіл”, “Цудоўны мяшочак”, “Эрудыт”, пры гэтым з азартам, ажыўлена выконвалі заданні, адгадвалі рэбусы, адказвалі на пытанні, разгадвалі красворды. У канцы сустрэчы дзяцей чакала забава з мыльнымі пузырамі і гульня ў аэрахакей.