Да Міжнароднага дня барацьбы з наркаманіяй і наркабізнесам, які адзначаецца
ў свеце 1 сакавіка з 1987 г., супрацоўнікі Бераставіцкай раённай бібліятэкі імя
В.М.Кавалеўскага правялі Дзень інфармацыі “Жыццё без наркотыкаў”. На
мерапрыемства запрасілі вучняў сярэдніх класаў Бераставіцкай СШ. З уступным
словам выступіла бібліятэкар Наталля Антонаўна Ляўковіч. Яна коратка
праінфарміравала прысутных аб гісторыі заснавання Міжнароднага дня барацьбы з
наркаманіяй і наркабізнесам. Затым перад дзецьмі выступіў старшы оперупаўнаважаны
групы па наркакантролі і супрацьдзеянні гандлю людзьмі Бераставіцкага РАУС Ягор
Дзмітрыевіч Панкевіч. Ён расказаў, наколькі цяжкімі могуць быць наступствы ад
ужывання наркотыкаў і якая адказнасць пагражае за іх распаўсюждванне. Выступленне
супрацоўніка РАУС дапоўніла ўрач-нарколаг раённай паліклінікі Наталля Алегаўна
Ботвін, якая паведаміла школьнікаў аб асноўных праблемах наркаманіі, аб пагрозе
здароўю падлеткаў, якую нясуць наркатычныя рэчывы. У канцы сустрэчы дзеці
задавалі пытанні гасцям і ўважліва слухалі іх парады. Падчас мерапрыемства дзейнічала кніжна-інфармацыйная выстава "Стоп! Наркотыкі!", на якой былі прадстаўлены матэрыялы па гэтай вельмі актуальнай тэме.
