У раённай бібліятэцы імя В.М.Кавалеўскага для
наведвальнікаў прышкольнага лагера «Дружба» Вялікабераставіцкай сярэдняй школы
прайшоў час пацехі “У краіне загадак”. Тэмай сустрэчы стала загадванне загадак.
Падчас мерапрыемства дзеці правялі час весела і пазнавальна, дружна адгадвалі
загадкі "Знайдзі адгадку", "У бабулі на градцы выраслі
загадкі", "Разгадай крыжаванка", удзельнічалі ў конкурсах
"Гульня ў рыфмы", "Перадай мяч". Асаблівую цікавасць выклікала
тэатралізаваная гульня "Загадкі без слоў", дзе дзеці загадвалі адзін
аднаму загадкі, не прамаўляючы ні слова, з дапамогай мімікі і жэстаў, і
адгадвалі іх. Вынікам часа пацехі стала творчае заданне "Намалюй
адгадку", дзеці з радасцю і жаданнем загадвалі загадкі і малявалі да іх
адгадкі.
