25.06.2023г. Бераставіцкая раённая бібліятэка прыняла ўдзел у раённым маладзёжным фестывалі «Мечтай! Твори! Действуй!»

 Сёння, 25 чэрвеня, у Вялікай Бераставіцы праходзіў раённы маладзёжны фестываль «Мечтай! Твори! Действуй!», прысвечаны Дню моладзі. Яго праграма  была насычана разнастайнымі займальнымі інтэрактыўнымі пляцоўкамі: ігравымі, музычна-забаўляльнымі, танцавальнымі, фотазонамі. Бераставіцкая раённая бібліятэка імя В.М. Кавалеўскага таксама прыняла ўдзел у гэтым шырокамаштабным мерапрыемстве, якое сабрала самых яркіх і шчаслівых, маладых і крэатыўных людзей.

Тэматычная пляцоўка раённай бібліятэкі размяшчалася каля амфітэатра ў скверы імя 500-годдзя Вялікай Бераставіцы. Для ўдзельнікаў фестывалю  была прадстаўлена кніжная выстава “Сусвет моладзі”, фотазона “Бераставіца чытае”, пленэр “Дрэва Жыцця”, віктарыны, аэрахакей і настольны футбол.