Дзень незалежнасці — галоўнае
свята беларускай дзяржаўнасці. Ён заснаваны Дэкрэтам Прэзідэнта Рэспублікі
Беларусь ад 11 снежня 1996 года за № 1 «Аб устанаўленні дзяржаўнага свята – Дня
Незалежнасці Рэспублікі Беларусь» і стаў сімвалам нацыянальнага адраджэння дзяржавы.
Урачыстасць арганізуецца 3 ліпеня — у дзень вызвалення Мінска ад
нямецка-фашысцкіх захопнікаў у 1944 годзе. У Бераставіцкай раённай бібліятэцы
імя В. М. Кавалеўскага прайшоў
Дзень інфармацыі “Беларусь жыцця майго крыніца”. У рамках дня інфармацыі прайшло
гістарычнае паведамленне “Беларусь – ад вызвалення да незалежнасці”, на якім
прысутныя пазнаёміліся з гераічным подзвігам беларускага народа ў гады Вялікай
Айчыннай вайны, аб цяжары ваеннага ліхалецця, выпаўшых на долю простых
беларусаў і аб тым, як жывецца беларусам у цяперашні час. За гады суверэнітэту вырасла новае пакаленне
беларусаў, якое ўзбагачае традыцыі незалежнай краіны, штодня працуе дзеля
ўмацавання міру, стабільнасці, эканамічнага развіцця сваёй Радзімы і з надзеяй
глядзіць у будучыню. Прысутныя прынялі
актыўны ўдзел у віктарыне “Мая радзіма Беларусь”.
На
працягу дня у чытальнай зале бібліятэкі для наведвальнікаў была прапанава тэматычная кніжная выстава і праведзены агляд
літаратуры “Беларусь: была, ёсць, будзе!", прымеркаваная да
святкавання Дня Незалежнасці Рэспублікі Беларусь. Літаратура, прадстаўленая на выставе,
дазваляе ў даступнай форме пазнаёміцца з сімволікай беларускай дзяржаўнасці,
гісторыяй, культурай і традыцыямі роднага краю.
Для дзяцей у гэты дзень таксама была прапанавана пазнавальна-патрыятычная акцыя
“Я – беларус”. У ходзе акцыі было прапанавана чытанне вершаў пра нашу краіну,
маляванне краявідаў нашай радзімы, майстраванне голубя міру.
