Вечар добрых зносін “Беражы сваю
сям’ю – крэпасць галоўную тваю!” прайшоў у філіяле “Малабераставіцкая
інтэграваная сельская бібліятэка”. На яго былі запрошаны выхаванцы летняга
лагера “Сонейка”. Тэма мерапрыемства вельмі цікавая і шматбаковая. Пра сямейныя
адносіны можна гаварыць бясконца і заўсёды знойдуцца цікавыя моманты, якія
можна абмеркаваць разам. Бібліятэкар прапанавала запоўніць “Сасуд чалавечых
эмоцый”, куды спачатку “кінулі” ўсё адмоўнае, а затым да верху “напоўнілі”
пазітыўнымі якасцямі. А калі ўсё гэта змяшалася, атрымалася рознакаляровая
“мазаіка пачуццяў”. Затым, разбіўшыся на дзве каманды, пабудавалі “хату сваёй
мары”, дзе жывуць дабрата, любоў, узаемаразуменне, павага і г.д. Напрыканцы
кожны меў магчымасць выказаць пажаданне сваёй сям’і (у тым ліку і школьнай
сям’і).