15 ліпеня выхаванцы летняга аздараўленчага лагера “Сонечны горад” Ваўкавыскага раёна наведалі Бераставіцкую раённую бібліятэку імя В.М. Кавалеўскага . Падчас экскурсіі хлопчыкаў і дзяўчынак пазнаёмілі з гісторыяй Бераставіччыны, з выставай кніг, прысвечанай 80-годзю вызвалення Беларусі ад нямецка-фашысцкіх захопнікаў. Вельмі зацікавіла дзяцей партрэтная галерэя вядомых людзей, якія жылі і працавалі на бераставіччыне і фатаграфіі ХХ стагоддзя на фотавыставе «Фотаімгненні для нашчадкаў». У канцы сустрэчы госці з вялікай цікавасцю разглядалі і чыталі незвычайныя кнігі ў маляўнічых вокладках з фонду бібліятэкі.
