17 ліпеня ў філіяле "Малабераставіцкая інтэграваная
сельская бібліятэка" прайшло чарговае пасяджэнне аматарскага аб'яднання
"Знайка" і прысвячалася яно знакавай даце - 80-годдзю вызвалення
Бераставіцкага раёна ад нямецка-фашысцкіх захопнікаў. Гадзіна патрыятызму
"Мой родны край, ты дорыш мне натхненне" паклікала ўдзельнікаў, каб
даведацца шмат цікавага карыснага.
З апавядання бібліятэкара дзеці даведаліся хто вызваляў наш
раён і якой цаной была атрымана свабода. Падрабязна спыніліся на гвардыі
палкоўніку 250-ай стралковай дэвізіі Геронцыю Цытаішвілі, імя якога носіць цэнтральная вуліца аг. Малая
Бераставіца. Помнік воіну-вызваліцелю знаходзіцца на месцы яго гібелі.
Жыхары аграгарадка шануюць памяць воінаў-вызваленцаў, таму каля помнікаў
заўсёды чыста, ляжаць кветкі і вянкі, запальваюцца лампадкі ў памяць аб
загінуўшых... Праз імправізаваную гульню "Я - абаронца зямлі
беларускай" вучні паспрабавалі ўявіць сабе 1944-ы год. Як нашы
аднавяскоўцы сталі на абарону сваёй Радзімы. І хоць зброя, якую яны прынеслі,
была не сапраўднай, але змагаліся з ворагам яны па сапраўднаму і адстаялі сваю
малую Радзіму. Да мерапрыемства далучылася старшыня "Малабераставіцкая
сельскага Савета" Таццяна Бабовік.