19 верасня ў філіяле
“Малабераставіцкая інтэграваная сельская бібліятэка” прайшло адкрытае
пасяджэнне аматарскага аб'яднання “Знайка”. Вандроўка па родных мясцінах “Тут
край маіх бацькоў і дзедаў” паклікала юных удзельнікаў, каб прайсціся турыстычнымі
сцяжынкамі па знакамітых мясцінах нашай прыгожай бераставіцкай зямлі. У канун
80-годдзя ўтварэння раёна вучні змаглі пазнаёміцца з яго знакавымі мясцінамі, з
дапамогай буклетаў наведаць музей “Вавёркі”. Разам павандравалі “Ад храма да
храма”. Падзяліліся сваімі ведамі пра малую радзіму – аг.Малую Бераставіцу, чым
богаты наш край, якімі знакамітымі людзьмі і адметнымі мясцінамі, якімі мы
можам ганарыцца. Пагаварылі пра аграўсадзьбы, што на бераставітчыне, пра
беларускія стравы, звычаі і абрады, якія яны прапануюць турыстам, каб слава пра
беларускую зямлю слыла далёка за яе межамі…Усе ўдзельнікі атрымалі на памяць
турыстычныя буклеты. Мерапрыемства было прысвечана 80-годдзю ўтварэння
Бераставіцкага раёна і Сусветнаму Дню турызма.
