Бераставіцкі раён адзначыў 80-годдзе з дня заснавання. Гэтай
падзеі 20 верасня было прысвечана ўрачыстае мерапрыемства, якое праходзіла ў
Бераставіцкім раённым цэнтры культуры і народнай творчасці. На свята былі
запрошаны людзі, якія шмат гадоў стваралі яго гісторыю, сваёй штодзённай працай
дамагаючыся яго росквіту і развіцця. Бераставіцкая раённая бібліятэка імя В.М.
Кавалеўскага прадставіла на дадзеным мерапрыемстве тэматычную выставу пад
назвай «Бераставіцкаму раёну-80». Выстава складалася з трох
раздзелаў. Першы раздел «Край наш шматаблічны» даў наведвальнікам магчымасць здзейсніць
кароткі экскурс ў гісторыю, часы станаўлення і развіцця раёна. Унікальныя выданні надрукаваныя
ў розныя гады дапамагаюць лепш уявіць працоўныя будні, культурны вольны час,
настрой людзей тых гадоў. У раздзеле «Родная зямля-крыніца натхнення» сабрана інфармацыя пра нашых таленавітых
землякоў – гэта паэты і пісьменнікі, мастакі, якія ў сваіх творах тонка выказваюць
любоў да роднага краю. І ў трэцім раздзеле “Ганаровыя грамадзяне Бераставіцкага
раёна” прадстаўлены фотаздымкі і матэрыялы
пра лепшых людзей раёна, а таксама фотаімгненні сённяшняга жыцця раёна.
Супрацоўнікі райбібліятэкі ў гэты дзень таксама прынялі ўдел у
тэатралізаванай пастаноўцы на канцэрце-віншаванні, прысвечаным малой радзіме і
нашаму роднаму любімаму краю.
